21:01, 27 Наурыз 2009

Дағдарыс жағдайында кәсіподақ ұйымдары қызметінің маңызы арта түседі

ОРАЛ. Наурыздың 27-сі. ҚазАқпарат /Ғайсағали Ералы/ - Дағдарыс жағдайында кәсіподақ ұйымдары қызметінің маңызы арта түседі. Бұл туралы Батыс Қазақстан облыстық ішкі саясат басқармасының ұйытқы болуымен өткізілген «Әлеуметтік мәселелерді шешудегі кәсіподақ ұйымының маңызы» атты семинар-кеңесте айтылды,

деп хабарлайды ҚазАқпарат тілшісі. Онда облыс әкімінің орынбасары Серік Сүлеймен кәсіподақтардың үлкен күш екеніне тоқталып, өңірде әзірге жаппай жұмыстан шығару жайының кездеспегенін, алайда ішінара қысқарту жүріп жатқанын атап өтті. Елбасымыздың Жолдауында айтылған міндеттерді жүзеге асыру үшін «Жол картасы» іс-шаралар жоспарының жасалғанын, оған мемлекет тарапынан мол қаржы бөлінгендігін де баса көрсетті. Облыстық кәсіподақтар кеңесінің төрағасы Нұрберген Байемеров облыста кәсіподақтар беделі артып келе жатқанын айтып, алда тұрған міндеттерге назапр аударды.
Азаматтық қоғам және ҮЕҰ Басқа мемлекеттік органдар Жолдау
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).