«Содырлар жасырынған үйден магнит мина (қуаты 1 келі тротилге балама) мен қуаты 50 келі тротилге балама қолдан жасалған бомба табылды. Федералды қауіпсіздік қызметінің мамандары оны залалсыздандырумен айналысуда», - делінген хабарламада.
Естеріңізге сала кетейік, бүгін түнде Хасавюрт ауданында күдікті адамдар көзге түсіп, олар Карланюрт ауылындағы жеке үйлердің біріне жасырынған еді. Қарулы қақтығыс барысында құқық қорғау органдарының 3 қызметкері қаза тауып, бесеуі жарақаттанды. Ал барынша қарулы қарсылық көрсеткен 4 содырдың көзі жойылды. Қазіргі уақытта олардың екеуінің аты-жөндері белгілі.