АСТАНА. ҚазАқпарат - Футболдан 17 жасқа дейінгі Қазақстан жасөспірімдер құрамасы Даму кубогында Өзбекстан құрамасынан басым түсті, деп хабарлайды ҚазАқпарат тілшісі.
Кездесу барысында ел құрамасынан жартылай қорғаушы Ілияс Әбіл 10-минутта есеп ашты. Ал 20-минутта шабуылшы Темірлан Ағыманов есепті еселей түсті.
Қазақстандық футболшылар қатарынан Виктор Лакеев 80-минутта мергендігімен көзге түсті.
Кездесуде ел құрамасынан үздік ойыншы болып Ілияс Әбіл танылды.
Александр Кузнецов бапкерлік жасайтын құрама топтық кезеңнің шешуші ойынын 9 ақпан күні елорда уақытымен сағат 21:00-де Беларусь құрамасымен өткізеді.
Екі кездесуден кейін қазақстандық футболшылар А тобында бірінші орында келеді.
Еске салсақ, бұдан бұрын Лионель Месси Оңтүстік Американың үздік ойыншысы атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.