АСТАНА. ҚазАқпарат – Даниал Рахматуллаев ITF рейтингісінде Қазақстанның бірінші ракеткасы атанды, деп хабарлайды ҚазАқпарат тілшісі.
Халықаралық теннис федерациясы (ITF) 18 жасқа дейінгілер арасында әлемдік жасөспірімдер рейтингісін жария етті.
Қазақстан теннис федерациясынан мәлім еткеніндей, 17 жасар Даниал Рахматуллаев бірден 86 сатыға жоғары көтеріліп, 178-орынға жайғасты. Бұл – қазақстандық жасөспірімдер арасындағы үздік көрсеткіш.
Ерасыл Ерділдә – 194, Әмір Омарханов – 204, Виталий Зацепин – 222, Ілияс Маратұлы – 269, Данир Қалдыбеков – 397, Жақас Қозыбақ – 471, Заңғар Нұрланұлы 568-орында тұр.
Қыздар арасында Асылжан Арыстанбекова – 151, Айя Нұпбай – 187, Дана Байдәулет – 213, Сандуғаш Кенжебаева – 270, Ульяна Романова – 322, Полина Слепцова – 558, Іңкәр Дүйсебай 536-орында келеді.
Еске сала кетейік, бұдан бұрын Жібек Құламбаеваның Прага турнирінің жеңімпазы атанғанын жазған болатынбыз.
Сондай-ақ АҚШ ашық чемпионатында Анна Данилина миксте ширек финалға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).