Қытайдың Ханчжоу қаласында өтіп жатқан Азия ойындарында қазақстандық Данил Мұсабаев батут гимнастикасында күміс медаль жеңіп алды, деп хабарлайды ҚазАқпарат тілшісі.
Қазақстандық спортшы финалда 57.100 ұпай жинап, екінші орынға қол жеткізді.
Бас жүлде қытайлық Лангю Янге бұйырса, жапондық Хирото Ямада үздік үштікті түйіндеді.
Айта кетсек, Қазақстан құрамасының қоржынында 44 медаль бар.
Оның бесеуі — «алтын», оны — «күміс» және 29-ы — «қола».
Қазақстандық Алексей Луценко Қытайдың Ханжчоу қаласында өтіп жатқан Азия ойындарында шосседегі веложарыста жеңімпаз атанды.
Сондай-ақ, қазақстандық ескекшілер Сергей Емельянов пен Тимур Хайдаров Қытайдың Ханчжоу қаласында өтіп жатқан Азия ойындарының жеңімпазы атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.