16:48, 02 Қаңтар 2019

Даниядағы темір жол апатынан 6 адам қаза тауып, 16 жолаушы жараланды

АСТАНА. ҚазАқпарат - Данияның Фюн аралында Үлкен Бельт көпіріндегі темір жол апатынан 6 адам қаза тауып, 16 адам жарақат алған. Бұл туралы ҚазАқпарат жергілікті полицияның ресми сайтына сілтеме жасап, хабарлайды.

«Фюн полициясы Үлкен Бельт көпіріндегі жол апатында 16 адам жараланып, 6 адам қаза болғанын хабарлайды. Апат бүгін таңғы сағат 07.30-да болған», - делінген хабарламада.

Оқиға орнында полиция мен құтқару қызметі жұмыс істеп жатыр. Нюборгте пойыз жолаушыларына арналған эвакуациялық орталық жасақталды. Пойызда 131 адам болған.

Еуропа Оқиға Әлем Әлем жаңалықтары

Жанат Қапалбаева

М.Х. Дулати атындағы Тараз мемлекеттік университетін бітірген. Еңбек жолын аймақтық басылымдардан бастаған. Төрт тіл біледі, кәсіби аудармашы. 2018 жылдан бері – Kazinform шығарушы редакторы. ҚР Журналистер одағының мүшесі.