Дархан Маханов Күзет қызметін бақылау комитетінің төрағасы болып тағайындалды

АСТАНА. KAZINFORM – Ішкі істер министрінің бұйрығымен ІІМ Күзет қызметін бақылау комитетінің төрағасы лауазымына Дархан Маханов тағайындалды.

- Полиция полковнигі ішкі істер органдары жүйесінде мол тәжірибеге және басқарушылық қабілетке ие. Бұған дейін ол аталған құрылымды департамент кезінде басқарған, кейін ол комитет болып қайта ұйымдастырылды, - делінген ақпаратта.

ІІМ басшысы Ержан Саденов Дархан Махановтың кәсіби біліктілігі мен басқарушылық қасиеттерін атап өтіп, жаңа қызметіне табыс тіледі.

Айта кетейік, бұған дейін Қызылорда облыстық садақ ату федерациясының басшысы тағайындалды.