Алматы қалалық денсаулық сақтау басқармасының мәліметінше, 15 жастағы қыз Балалар шұғыл медициналық көмек көрсету орталығына жедел түрде жеткізілді. Қабылдау бөлімінде клиникалық-зертханалық зерттеулер мен мамандардың консультациясы жүргізілді.
«Дәрігерлер оған жабық бас сүйек-ми жарақаты, мидың шайқалуы, жұмсақ тіндердің жарақаты, сол жақ самай-желке аймағының тері асты гематомасы және аяқ-қол жарақаттары диагнозын қойды», - деп хабарлады денсаулық сақтау басқармасынан.
Науқас орталықтың нейрохирургия бөлімінде ем алып жатыр.
Бұған дейін хабарлағанымыздай, бала-шағасымен жолдан жүгіріп өтпек болған отбасының бір мүшесі апатқа ұшыраған еді.