«Елбасының парасаттылыққа негізделген стратегиясы күрделі кезеңдерді артқа тастап, Қазақстанды дамудың даңғыл жолына бастады. Жасампаздыққа толы жылдардың бұл үрдісі Мемлекет басшысы Қасым-Жомарт Тоқаевтың саясаты арқылы бүгін де жалғасып келеді. Осы үш онжылдықтың кезеңінде біз қоғамның кемелденуіне қол жеткіздік және өзіміздің өмірлік кеңістіктеріміз бен белгілерімізді айқындадық. Оның біріншісі – мемлекеттің зайырлылығы. Екіншісі – қазақстандық біртектілік және ғасырлардың түп тамырынан бой алатын дәстүрлердің синтезі мен постиндустриалды қоғамның заманауи құндылықтары. Үшіншісі – экономикалық бақуат пен инвестициялық тартымдылық. Төртіншісі – аумағымыздың тұтастығы», - деген Президент әкімшілігі басшысының бірінші орынбасары аумақтық тұтастықты сақтауда ел астанасының ауысуы шешу рөл атқарғанын еске салды.
«Аумақтық тұтастық – қоғам дамуының басты шарты. Аумақтық тұтастықты сәтті игерудің айқын көрінісі – астанамыздың ауысуы. Саяси орталықтың георафиялық орталық тұрғысынан таңдалуы қазақстандықтық біртектілікті нығайта түсті. Нұр-Сұлтан қаласы даму нүктесі ғана емес, жаңа өңіраралық байланыстардың қайнаған қазанына айналды деуге болады. Бесіншісі – болашағымыздың ортақтығы», - деді Дәурен Абаев.