Дәурен Абаев Қарттар үйіндегі егде адамдар туралы видеоролик жариялады
16:04, 05 Тамыз 2017
АСТАНА. ҚазАқпарат - Ақпарат және коммуникациялар министрі Дәурен Абаев Facebook-тағы өз парақшасында біздің қоғамдағы барынша өзекті мәселелердің бірі туралы видеоролик жариялады, деп хабарлады «ҚазАқпарат» ХАА тілшісі.
«Қазақстанда қарттар үйінде 4200 егде жан - аталарымыз бен әжелеріміз бар. Олар бұл өмірдің мәнін түсінеді, ал біз...» - деген сөздермен аяқталады видеоролик.
Қазақстан қоғамында атам заманнан үлкендерге құрметпен қарап келдік, кеңестерін тыңдап, ақсақалдар дауларды шешті. Соңғы уақытта түрлі себептермен, өкінішке орай, қарттар үйінде жалғызбасты адамдардың саны артты.