ОРАЛ. ҚазАқпарат - Сайлауды бақылау жөніндегі республикалық қоғамдық комиссия филиалы өз жұмысын бастады. Бұл туралы бүгін филиал төрайымы Вера Шохина мәлім етті.
Оның айтуынша, қазіргі кезде белсенді азаматтар есебінен сайлау учаскелеріне баратын қоғамдық байқаушылар іріктелуде. Дауыс беру күні өңірде 523 сайлау учаскесінің әрқайсысында комиссия өкілі болмақ. Олар президенттік сайлаудың заңға сәйкес өтуін бастан-аяқ бақылайды.
Республикалық комиссия құрамына көрнекті қоғам қайраткерлері, ғалымдар, сарапшылар мен журналистер енгізілгені белгілі. Комиссия жұмыс барысында халықаралық байқаушылармен, облыстық сайлау комиссиясымен, прокуратурамен, кандидаттардың сайлауалды штабтарымен, бұқаралық ақпарат құралдарымен, сарапшылармен тығыз байланыста болмақ. Батысқазақстандық филиал құрамында төрайымға қоса сондай-ақ Светлана Сейілханова, Күміс Қайсағалиева, Наталья Горбунова жұмыс жасайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).