«Жалпы, дауыс беру күні белгіленген тәртіппен, айтарлықтай заң бұзушылықсыз өтуде. Дауыс беру аяқталған барлық учаскелерде бұл үдеріс «Қазақстан Республикасындағы сайлау туралы» Конституциялық заңның талаптарына сәйкес өтті», - деді ол.
Дегенмен, оның атап өтуінше, Семей қаласының прокуратурасына ерлі-зайыпты Карпухиндердің тұрғылықты жерлері бойынша учаскенің сайлаушылар тізімінде болмауына шағымданған арызы түскен. Олардың тиісті аумақта тұратындығы анықталғаннан кейін дауыс беру мүмкіндігі берілді.
«Ерлі-зайыпты Карпухиндердің сайлаушылар тізімінде болмауының себептері анықталуда», - деді Н.Сүйіндіков.