Жақын арадағы екі күнде найзағайлы және екпінді желмен өткінші жаңбыр Қазақстанның солтүстігінде, орталығында, шығысында және оңтүстік-шығысында сақталады. Дүйсенбі күні жауын-шашын болмайды және температура күрт көтеріледі.
Атап айтқанда орталықта және оңтүстік-шығыста 30... 40ºС-ге дейін, солтүстікте 30... 38ºС-ге дейін, шығыста 28... 33ºС-ге дейін жылы болады. Ең ыстық ауа райы республиканың батысында және оңтүстігінде күтіледі, мұнда сынап бағанасы 33... 45ºС-ге дейін көтеріледі.