АСТАНА. KAZINFORM — Қазақстандық теннисші, әлемнің 180-ракеткасы Денис Евсеев Гамбург (Германия) челленджер турнирінің іріктеу сайысын жеңіспен бастады.
Іріктеу сайысының 1-ракеткасы болып тіркелген Д.Евсеев дүниежүзілік рейтингіде 558-орында тұрған германиялық Адриан Отцбахпен шеберлік байқасты.
Бірінші партияда корт иесі тай-брейкте сәтті ойнады – 7:6 (7:1). Бұдан кейін қазақстандық теннисші матч тізгінін қолына ала білді – 7:5, 6:2.
2 сағат 17 минутқа созылған бәсеке барысында Денис 6 эйспен бірге 24 брейк-пойнттың сегізін пайдаланды. Қарсыласы 13 эйс, 5 брейкпен (10 брейк-пойнт) ерекшеленді.
Еске сала кетейік, бұдан бұрын Дмитрий Попконың жұптық сында Бразилиядағы жарыстың жеңімпазы атанғанын жазған болатынбыз.
Анна Данилина Индиан-Уэллсте жарыс жолынан шығып қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).