АСТАНА. KAZINFORM — Қазақстандық теннисші, әлемнің 444-ракеткасы Денис Евсеев Аугсбург (Германия) челленджер турнирі іріктеу сайысының финалына жолдама алды.
Д.Евсеев іріктеу сайысының жартылай финалында әлемдік рейтингіде 699-орындағы босниялық Мирза Башичпен бетпе-бет келді.
Матч 6:2, 6:3 есебімен қазақстандық спортшының пайдасына шешілді.
Небәрі 54 минутқа созылған бәсекеде Евсеев 6 эйспен бірге 9 брейк-пойнттың төртеуін өз есебіне жазды. Башич 5 эйстен аса алмады.
Денис Евсеев іріктеудің финалында әлемнің 576-ракеткасы, ресейлік Святослав Гулинмен кездеседі. Оны жеңген жағдайда негізгі жарысқа шығады.
Аугсбург додасының жүлде қоры — 56,7 мың еуро. Жеңімпаз 8 550 еуроға қоса 50 рейтингілік ұпайға ие болады.
Еске сала кетейік, бұдан бұрын Юлия Путинцеваның Монтеррей турнирін сәтті бастағанын жазған едік.
Сондай-ақ Елена Рыбакина АҚШ ашық чемпионатында миксте өнер көрсетпейтін болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).