АСТАНА. KAZINFORM - Қазақстандық, әлемнің 184-ракеткасы Денис Евсеев Жирона (Испания) челленджер турнирінің іріктеу сайысын сәтті өткізді.
Қазақстандық теннисші іріктеу сайыстарының финалында дүниежүзілік рейтингіде 327-орында тұрған Румыния өкілі Сезар Крецумен кездесті.
Д.Евсеев бірінші партияда 3:6 есебімен ұтылғанымен, камбэк жасай білді - 6:3, 7:5. Әсіресе, үшінші сетте 0:3 есебімен ұтылып жатып, жеңісті жұлып алды.
Осылайша, Денис Евсеев негізгі жарысқа жолдама алды.
Еске сала кетейік, бұдан бұрын Бейбіт Жұқаевтың Мексикадағы турнирде алғашқы жеңісіне қол жеткізгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).