ОРАЛ. KAZINFORM – Қазақстандық, әлемнің 184-ракеткасы Денис Евсеев Тенерифе (Испания) челленджер турнирінде кезекті жеңісіне қол жеткізді.
Іріктеу сайыстарында екі қарсыласын ұтқан Д.Евсеев негізгі жарыстың алғашқы айналымында дүниежүзілік рейтингіде 250-орында тұрған швейцариялық Леандро Ридимен кортқа шықты.
Бірінші партия 6:4 есебімен қазақстандықтың пайдасына аяқталды.
Екінші сетте де ол есепті 4:1-ге жеткізді. Бұдан кейін швейцариялық спортшы бәсекені жалғастырудан бас тартты.
Бір сағатқа созылған матч барысында Денис 2 эйс жасап, 4 брейк-пойнттың үшеуін пайдаланып үлгерді.
Денис Евсеев ширек финалға шығу үшін әлемнің 103, осы доданың 1-ракеткасы, атақты италиялық Фабио Фоньинимен таласады.
Еске сала кетейік, бұдан бұрын Елена Рыбакинаның «Үлкен дулыға» турнирін жеңіспен бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).