Қазақстандық теннисші Денис Евсеев жұптық сында Қытайдағы Шэньчжэн челленджер турнирінің ширек финалына шықты, деп хабарлайды Kazinform.
Қазақстандық теннисші ресейлік Алибек Качмазовпен бірге бастапқы кездесуін сәтті өткізді.
Қазақстандық-ресейлік жұп 53 минутқа созылған кездесуде белоруссиялық Николай Галак – вьетнамдық Нам Хоанг Лиді 6:4, 6:1 есебімен тізе бүктірді. Евсеев пен Качмазов 3 эйс жасап, 9 брейк-пойнттың үшеуін пайдалана білді.
Денис Евсеев – Алибек Качмазов жартылай финалға шығу үшін аустралиялықтар Люк Сэвилл - Ли Тумен таласады.
Осы жарыста Д.Евсеев жекелей сында да ширек финалға өткен еді.
Еске сала кетейік, бұдан бұрын Бейбіт Жұқаевтың Қытайдағы турнирде жарыстың 1-ракеткасын жолдан тайдырғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).