АСТАНА. KAZINFORM — Қазақстандық, әлемнің 164-ракеткасы Денис Евсеев Бастад (Швеция) ATP 250 турнирі іріктеу сайыстарының финалына шықты.
Қазақстандық теннисші бастапқы кездесуін швециялық, 17 жасар Людвиг Фредрик Хедемен өткізді.
Бірінші партияда корт иесі 6:2 есебімен басым түскенімен, Евсеев камбэк жасай білді — 6:1, 6:1.
Бір сағат 23 минутқа созылған бәсеке барысында Евсеев 1 эйспен бірге 8 брейк-пойнттың алтауын пайдаланды.
Қарсыласы 6 брейк-пойнттың үшеуін өз есебіне жазды.
Денис Евсеев іріктеу сайыстарының финалында әлемнің 142-ракеткасы, Аргентина өкілі Роман Андрес Бурручага немесе рейтингіде 235-сатыдағы франциялық Мануел Гинардың біреуімен шеберлік таластырады.
Тағы бір қазақстандық, рейтингіде 222-орында тұрған Дмитрий Попко әлемнің 136-ракеткасы, хорватиялық Дуже Айдуковичтен өте алмады — 2:6, 4:6.
Еске сала кетейік, бұдан бұрын Тимофей Скатовтың Швециядағы турнирде қарсыласын ойсырата ұтқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).