АСТАНА. ҚазАқпарат – Қазақстандық, әлемнің 271-ракеткасы Денис Евсеев Ыстанбұл (Түркия) челленджер турнирінің ширек финалына шықты, деп хабарлайды ҚазАқпарат тілшісі.
Қазақстандық теннисші алдымен әлемнің 217-інші, осы жарыстың 8-ракеткасы, словакиялық Норберт Гомбошты 4:6, 6:1, 6:2 есебімен жолдан тайдырды.
Бүгін Д.Евсеев екінші айналымда дүниежүзілік рейтингте 669-сатыда тұрған түркиялық Корай Кирчимен бақ сынасты.
Денис 1 сағат 21 минутқа созылған матчта 6:2, 7:6 (7:3) есебімен жеңіске жетті.
Денис Евсеев жартылай финалға шығу үшін әлемнің 155-інші, доданың 3-ракеткасы, тағы бір словакиялық Лукаш Клейнмен таласады.
Соңғы кезде тым-тәуір өнер көрсетіп жүрген қазақстандық теннисші ATP Live рейтингісінде қазіргі таңда 258-орынға көтеріліп тұр.
Еске сала кетейік, бұдан бұрын Испаниядағы турнирде қазақстандық теннисшілердің өзара кездесетінін жазған болатынбыз.
Сондай-ақ Новак Джокович теннистен әлем рекордын орнатты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).