АСТАНА. ҚазАқпарат - Үндістанның басқарушы партиясының, яғни ұлттық конгресінің мүшесі ел парламентінде өзінің әріптестеріне бұрышты газды шашыратты.
Шетелдік БАҚ-тың жазуынша, бірнеше парламент мүшесі ауруханаға жеткізілген. Үндістандық телеарналардан ғимараттан жөтеліп, тұншығып шығып жатқан, сондай-ақ көздерінің жасын сүртіп отырған депутаттарды көрсеткен.
Газ шашқан депутат оңтүстік Андхра-Прадеш штатын бөліп, жаңа штат құру бойынша даулы жоспарға қарсы шығып отырған көрінеді.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.