НҰР-СҰЛТАН. ҚазАқпарат – Испания астанасы Мадридте өтіп жатқан Дэвис кубогы финалында Қазақстан – Нидерланды матчы өтіп жатыр, деп хабарлайды ҚазАқпарат тілшісі.
Алғашқы кездесуде қазақстандық Михаил Кукушкин мен Нидерланды өкілі Ботик Ван де Зандшульп кортқа шықты.
М.Кукушкин әлемдік рейтингте 67-орында тұрса, қарсыласы 200-сатыда еді.
Қазақстандық теннисші 6:2, 6:2 есебімен ұтты.
Бәсеке 1 сағат 5 минутқа созылды.
Қазіргі сәтте Қазақстанның бірінші, әлемнің 57-ракеткасы Александр Бублик дүниежүзілік рейтингте 163-орындағы Робин Хасемен ойнап жатыр. Егер ол қарсыласын тізе бүктірсе, онда Қазақстан құрамасы жұптық бәсеке нәтижесіне қарамастан, бұл матчта жеңімпаз атанады.
Бұдан кейін 21 қараша күні қазақстандықтар өз тобында Ұлыбританиямен шеберлік байқасады.
Әр топта үздік атанғандар плей-офф бәсекесіне жолдама алады.
Еске сала кетейік, бұдан бұрын Қазақстан құрамасының Дэвис кубогы финалына қатысатынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).