АСТАНА. ҚазАқпарат - 2-4 ақпан күндері аралығында Астанада Дэвис кубогы Әлем тобының бірінші кезеңінде Қазақстан - Швейцария құрамаларының кездесуі өтеді, деп хабарлайды ҚазАқпарат.
ҚР Теннис федерациясы таратқан мәліметке сүйенсек, қос команданың құрамы 22 қаңтар күні белгілі болмақ.
Естеріңізге сала кетсек, Қазақстан Дэвис кубогына 1995 жылдан бері қатысып келеді. Ұлттық құрамамыз 2010 жылы бірінші рет Әлемдік топқа іліккен болатын. Ал 2011, 2013, 2014 және 2015 жылдары жарыстың ширек финалына шықты.
Қазақстан - Швейцария кездесуі Ұлттық теннис орталығында 2 ақпан күні сағат 12:00-де басталады. 3 ақпан күні - 14:00-де, 4 ақпанда 14:00-де өтеді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.