Астанада өтіп жатқан Әлемдік және дәстүрлі діндер көшбасшылары съезі хатшылығының ХХІІ отырысында съездің Ізгі ниет елшісі лауазымына 5 адам ұсынылды. Осы бес адамның ішінде әнші Димаш Құдайберген де бар.
Хатшылық отырысына қатысушылар осы бес үміткердің кандидатурасын да бірауыздан мақұлдады.
Қалған Ізгі ниет елшілерінің тізімі мынандай:
Иерусалим Патриархы III Феофил;
Англикан қауымдастығы бас хатшысының орынбасары Бэйли Уэллс;
Мұсылман ақсақалдар кеңесінің бас хатшысы Мұхаммед Әбдел Салам;
Вьетнам буддисттік сангханың бас хатшысы, Атқарушы кеңес төрағасының орынбасары Тхит Дык Тхиен.
Еске сала кетейік, бұған дейін Әлемдік және дәстүрлі діндер лидерлері съезі арқылы рухани дипломатия нығайтылатынын жазған едік.