«Евровидение байқауына Ресей атынан қатысу туралы көптеген хаттар келіп түсіп жатыр. Бұл байқауға мен тек қонақ ретінде шақырса ғана қатысамын. Қатысушы ретінде байқауға қатыспаймын және керек деп санамаймын», - деп жазды әнші өзінің Instagram-дағы парақшасында.
Ол халықаралық аренада өз Отаны – Қазақстан атынан ғана шығатынын жеткізді.
«Аса құрметпен жанкүйерлеріме айтарым, халықаралық аренада мен тек қана бір елдің атынан шыға аламын, ол менің Отаным - Қазақстан! Қолдауларыңыз бен ыстық ықыластарыңызға рақмет. Менің «Арнау» атты жеке концерттік турнемде кездескенше!», - дейді Димаш.
Айта кетейік, Димаш алдағы үш айда Еуропаның 11 қаласында жеке концерт береді.