Димаш Құдайбергеннің жаңа әні ең көп тыңдалған топ-100 әннің қатарына енді

АСТАНА. KAZINFORM – Димаш Құдайбергеннің орындауындағы ән ең көп тыңдалған 100 композицияның қатарына енді. 

Бұл туралы әнші өзінің әлеуметтік желідегі парақшасында бөлісті. 

– Әлемнің түкпір-түкпірінен 120 миллионнан астам трекке қол жеткізуге мүмкіндік беретін франциялық Deezer музыкалық ағынды платформасында «Love’s Not Over Yet» Мажарстандағы ең көп тыңдалған 100 әннің қатарына енді, - делінген жазбада. 

Айта кетейік, өнер иесінің репертуарындағы «Love’s Not Over Yet» әні осыдан 1 ай бұрын ғана жарық көрген еді. 

Естеріңізде болса, бұған дейін Димаш Құдайбергеннің Ақтауда ерекше жанмен кездескенін хабарлаған едік.