Димаш пен Майра Мұхамедқызы Си Цзиньпиннің алдында өнер көрсетті
21:01, 03 Шілде 2024
АСТАНА. KAZINFORM — Астанада Қытай Төрағасының елімізге мемлекеттік сапарына орай концерт ұйымдастырылды.
Мемлекет басшысы Қасым-Жомарт Тоқаев Қазақстанға мемлекеттік сапармен келген Қытай Халық Республикасының Төрағасы Си Цзиньпинмен бірге іскерлік бағыттағы бірқатар келіссөзден кейін әйгілі опера әншісі Майра Мұхамедқызы және қазақтың мәдениетін, ән өнерін шартарапқа паш етіп жүрген Димаш Құдайбергеннің өнерін тамашалап, бұлбұл Майра мен дүлдүл Димаштың талантына тәнті болды.