Динамикалық бақылауға жататын созылмалы аурулар тізбесі кеңейді

АСТАНА. KAZINFORM – Денсаулық сақтау министрінің бұйрығымен динамикалық бақылауға жататын созылмалы аурулар тізіміне өзгерістер енгізілді.

Жалпы тізбеге 27 түрлі ауру енгізілді, оның ішінде:

• Созылмалы вирустық В, С және D гепатиттері (бауыр циррозынсыз);
• Артериялық гипертензия;
• Жүректің ишемиялық ауруы;
• Брахиоцефалиялық артерияның экстракраниалдық аурулары;
• Жүрек қақпақшасының зақымдануы;
• Аритмия, жүрекшелердің жыбыры мен дірілі;
• Қан және қан түзу аурулары;
• Тыныс алу ағзаларының аурулары;
• Ас қорыту ағзаларының аурулары (оның ішінде асқазан және он екі елі ішек ойық жарасы, бауыр циррозы);
• Қаңқа-бұлшықет жүйесі және дәнекер тін аурулары;
• Эндокриндік жүйе аурулары, тамақтану бұзылысы және зат алмасу бұзылысы (оның ішінде әртүрлі деңгейдегі қант диабеті);
• Қалқанша без аурулары;
• Жүйке жүйесінің аурулары (оның ішінде эпилепсия және балалардың церебралды салға шалдығуы). Бұған қосымша жүйке жүйесінің басқа да дегенеративті аурулары мен орталық жүйке жүйесінің демиелинизациялық аурулары енгізілді;
• Несеп-жыныс жүйесі аурулары;
• Әйел жыныс ағзаларының қабынусыз аурулары;
• Перинаталдық кезеңде пайда болатын жекелеген жағдайлар (оның ішінде туа біткен даму кемістіктері).

Бұйрық 2025 жылғы 2 қыркүйектен бастап күшіне енеді. 

Айта кетейік, бүгін Президент Денсаулық сақтау министрі Ақмарал Әлназарованы қабылдап, міндетті медициналық сақтандыру жүйесін тиімді етуді тапсырды.