АСТАНА. KAZINFORM — Қазақстандық теннисші, әлемнің 214-ракеткасы Дмитрий Попко Лас-Вегас (АҚШ) челленджер турнирін жеңіспен бастады.
Жарыстың 6-ракеткасы болып тіркелген Дмитрий Попко бастапқы кездесуін әлемдік рейтингіде 707-орында тұрған америкалық Куинн Вандекастилмен өткізді.
Қазақстандық спортшы қарсыласын 6:4, 7:5 есебімен тізе бүктірді.
Бір сағат 48 минутқа созылған бәсекеде Попко 3 эйспен бірге 6 брейк-пойнттың екеуін құр жіберген жоқ. Вандекастил 6 эйспен көзге түсті.
Дмитрий Попко ширек финалға шығу үшін әлемнің 410-ракеткасы, тағы бір америкалық Андре Илаганмен шеберлік таластырады.
Еске сала кетейік, бұдан бұрын Александр Бубликтің ATP турнирлеріндегі сегізінші титулын жеңіп алғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).