АСТАНА. KAZINFORM – Қазақстандық, әлемнің 207-ракеткасы Дмитрий Попко Делрэй-Бич (АҚШ) ATP 250 турнирінің іріктеу сайысын сәтті бастады.
Қазақстандық теннисші бастапқы кездесуін әлемнің 133-ракеткасы, аргентиналық Федерико-Агустин Гомеспен өткізді.
Д.Попко камбэк жасап, 2:6, 6:3, 7:6 (7:4) есебімен жеңіске жетті. Екі сағатқа жуық уақытқа созылған бәсеке барысында ол 6 эйспен бірге 5 брейк-пойнттың екеуін мүлт жібермеді. Гомес 9 эйс, 3 брейкпен (4 брейк-пойнт) көзге түсті.
Дмитрий Попко іріктеу жарысының финалында дүниежүзілік рейтингіде 422-орында тұрған америкалық Майкл Ммомен кездеседі. Оны жеңсе, негізгі турнирге жолдама алады.
Еске сала кетейік, бұдан бұрын Альбина Кәкенованың Қарағанды турнирінің абсолютті чемпионы атанғанын жазған едік.
Әбу-Дабиде Рыбакинаны жолдан тайдырған теннисші чемпион болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).