АСТАНА. KAZINFORM — Қазақстандық, әлемнің 234-ракеткасы Дмитрий Попко Саванна (АҚШ) челленджер турнирінің екінші айналымына шықты.
Қазақстандық теннисші алғашқы кездесуін дүниежүзілік рейтингіде 462-орында тұрған америкалық, 20 жастағы Бруно Кузухарамен өткізді.
Д.Попко 1 сағат 25 минутқа созылған матчта 6:3, 6:4 есебімен басым түсті. Ол 3 эйспен бірге 6 брейк-пойнттың төртеуін мүлт жіберген жоқ. Кузухараның еншісінде 2 эйс, 2 брейк (3 брейк-пойнт) бар.
Дмитрий Попко ширек финалға шығу үшін рейтингіде 248-сатыдағы тағы бір америкалық Итан Куиннмен сынға түседі.
Тағы бір қазақстандық, рейтингіде 129-орындағы Михаил Кукушкин Мадрид мастерс турнирінің іріктеу сайысында әлемнің 83-ракеткасы, аргентиналық Федерико Кориадан жеңіліс тапты – 2:6, 6:4, 2:6. Бұл тартысты бәсеке екі сағатқа жуық уақытқа созылды.
Еске сала кетейік, бұдан бұрын қазақстандық теннисшінің Чехиядағы турнирді сәтті бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).