ӘБУ-ДАБИ. KAZINFORM – Қазақстандық, әлемнің 339-ракеткасы Дмитрий Попко АҚШ-тың Санрайз қаласында (Флорида штаты) өтіп жатқан ITF турнирінің финалына өтті.
Жарыстың 2-ракеткасы болып тіркелген қазақстандық теннисші жартылай финалда әлемнің 758-ракеткасы, доминикандық Питер Бертранмен кортқа шықты.
Попконың осыған дейінгі екі ойыны үш сағаттан астам уақытқа созылса, бұл жолы онша қиынға түскен жоқ.
Дмитрий бір сағаттан астам уақытта қарсыласын 6:2, 6:2 есебімен тізе бүктірді.
Дмитрий Попко финалда әлемнің 409-ракеткасы, колумбиялық Николас Мехия немесе рейтингіде 538-сатыдағы америкалық Алекс Рыбаковтың біреуімен чемпиондық атақты сарапқа салады.
Тағы бір қазақстандық Жібек Құламбаева жұптық сында Мумбай (Үндістан) челленджер турнирінің финалына шыға алмады.
Жібек оңтүстіккореялық Со Хен Пакпен бірге жартылай финалда нидерландылық Арианне Хартоно – үндістандық Пратхана Тхомбареге жол берді – 2:6, 1:6.
Еске сала кетейік, бұдан бұрын Елена Рыбакинаның Әбу-Дабиде чемпиондық атақ үшін таласатынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).