АСТАНА. KAZINFORM — Қазақстандық, әлемнің 276-ракеткасы Дмитрий Попко Фейра-де-Сантана (Бразилия) ITF турнирінің ширек финалына шықты.
Жарыстың 1-ракеткасы болып тіркелген қазақстандық спортшы алдымен рейтингіде 956-орындағы корт иесі Пауло Андре Дос Сантосты 6:2, 6:2 есебімен тізе бүктірді.
Д.Попко екінші айналымда да аса қинала қойған жоқ. Бұл жолы тағы бір бразилиялық, рейтингіде 1410-сатыдағы Жоао Витор Гонсалвеш Сеолинді 6:2, 7:5 есебімен ұтты.
Дмитрий Попко жартылай финалға шығу үшін рейтингіде 732-орында тұрған бразилиялық Игорь Гименеспен таласады.
Еске сала кетейік, бұдан бұрын Зарина Диястың Жапониямен өтетін матчқа қатысатынын жазған болатынбыз.
Сондай-ақ Анна Данилина АҚШ-тағы турнирдің финалынан тыс қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).