АСТАНА. KAZINFORM — Қазақстандық теннисші, әлемнің 237-ракеткасы Дмитрий Попко Генуя (Италия) челленджер турнирінің екінші айналымына шықты.
Қазақстандық спортшы алғашқы айналымда дүниежүзілік рейтингіде 279-орында тұрған корт иесі Марко Чеккинатоның мысын басты.
Бұдан бұрын Дмитрий Попко қарсыласын бір рет жеңген еді.
Бұл жолы 1 сағат 21 минутқа созылған кездесу 6:4, 6:2 есебімен Попконың пайдасына шешілді. Осы мерзімде ол 2 эйспен бірге 9 брейк-пойнттың үшеуін өз есебіне жазды. Чеккинато 2 эйс жасағанымен, 3 брейк-пойнттан ештеңе шығара алған жоқ.
Дмитрий Попко ширек финалға шығу үшін италиялықтар, әлемнің 34-інші, осы жарыстың 1-ракеткасы Лучано Дардери — Федерико Арнабольдидің қай жеңгенімен шеберлік таластырады.
Еске сала кетейік, бұдан бұрын Жібек Құламбаеваның бір күнде екі матчты жеңіспен түйіндегенін жазған едік.
Сондай-ақ теннистен Дэвис кубогында Кореямен матчта Қазақстан намысын кімдер қорғайтыны хабарланды.
Қазақстан құрамасы сапында Дмитрий Попко да бар.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).