АСТАНА. KAZINFORM - Қазақстандық, әлемнің 276-ракеткасы Дмитрий Попко Фейра-де-Сантана (Бразилия) ITF M25 турнирінің чемпионы атанды.
Доданың 1-ракеткасы болып тіркелген қазақстандық теннисші соңғы сында дүниежүзілік рейтингіде 771-орында тұрған америкалық Харрисон Адамспен кездесті. Дмитрий Попко қарсыласын 6:4, 6:4 есебімен жеңді.
Осылайша, қазақстандық спортшы биыл ITF жарыстарындағы бесінші титулына қол жеткізді.
Сондай-ақ ол осы жетістігінің арқасында дүйсенбіде жаңартылатын ATP рейтингісінде 250-орынға көтеріледі.
Еске сала кетейік, бұдан бұрын Дмитрий Попконың Бразилиядағы жарыстың финалына өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).