АСТАНА. KAZINFORM – Қазақстандық, әлемнің 222-ракеткасы Дмитрий Попко Брашов (Румыния) челленджер турнирінің ширек финалына өтті.
Жарыстың 8-ракеткасы болып тіркелген қазақстандық спортшы екінші айналымда дүниежүзілік рейтингіде 744-орында тұрған румыниялық Штефан Палошимен ойнады.
Попко қарсыласын 7:5, 7:5 есебімен ұтты. Екі сағат 4 минутқа созылған тартысты бәсекеде Дмитрий 9 эйспен бірге 4 брейк-пойнттың тең жартысын пайдаланды. Палоши 3 эйспен шектелді.
Дмитрий Попко ширек финалда рейтингіде 246-сатыдағы тағы бір румыниялық Филип Кристиан Жиянумен шеберлік байқасады. Ол әлемнің 185-ракетасы, бразилиялық Густаво Хейдеден айласын асырды – 6:3, 3:6, 6:2.
Қазақстандық теннисші қазіргі кезде ATP Live рейтингісінде 210-орынға көтеріліп тұр.
Еске сала кетейік, бұдан бұрын Тимофей Скатовтың Франциядағы турнирдің жартылай финалына жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).