Қазақстандық, әлемнің 458-ракеткасы Дмитрий Попко жекелей сында Анталия (Түркия) ITF турнирінің жартылай финалына өтті, деп хабарлайды Kazinform.
Қазақстандық теннисші ширек финалда әлемнің 670-інші, осы жарыстың 6-ракеткасы, өзбекстандық Сергей Фоминмен кортта кездесті.
Д.Попко қарсыласын 6:4, 6:4 есебімен тізе бүктірді.
Доданың 1-ракеткасы Дмитрий Попко финалға шығу үшін әлемдік рейтингте 783-орында тұрған ресейлік Евгений Тюрневпен таласады.
Қазақстандық теннисші жұптық сында да сәтті өнер көрсетуде.
Еске сала кетейік, бұдан бұрын қазақстандық теннисшінің Түркиядағы жарыстың жартылай финалына шыққанын жазған болатынбыз.
Сондай-ақ Елена Рыбакина ең жоғары ақы төленетін әлемдегі 10 спортшының қатарына кірді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).