АСТАНА. KAZINFORM – Қазақстандық Дінмұхамбет Сүлейменов «Тараз-Омега» футзал клубының бас бапкері қызметіне тағайындалды.
Отандық маман 1981 жылы дүниеге келген. Кәсіби мансабында 20 жылдан астам уақыт бойы еліміздің түрлі клубтарында ойнады. Оның ішінде 10 жылға жуық алматылық «Қайрат» командасының намысын қорғады.
Дінмұхамбет Сүлейменов – Еуропа чемпионатының қола жүлдегері. Сондай-ақ ол екі мәрте UEFA кубогының жеңімпазы атанған.
Танымал футзалшы Қазақстанның 9 дүркін чемпионы және үш мәрте күміс және қола медаль иегері болды.
2022 жылы ойыншы мансабын аяқтағаннан кейін бапкерлік қызметке келді. Бүгінге дейін ол ақтаулық «Каспий» клубына жетекшілік етті.
Еске салсақ, бұдан бұрын Шыңғыс Есенаманов футзалдан Қазақстан құрамасындағы мансабын аяқтады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.