ИРКУТСК. KAZINFORM — Иркутск қаласында допты хоккейден жоғары лига командалары арасында бүкілресейлік жарыстың финалдық турнирінде «Ақжайық» (Орал) тағы бір кездесуін өткізді.
Бұл жолы оралдықтар «Строитель» (Сыктывкар) командасымен айдынға шықты.
Ресейлік сұрмерген Максим Пахомов қатарынан үш гол соғып, «Ақжайық» ойынды жақсы бастағанымен, сол қарқынынын көп өтпей жоғалтып алды. Ал, «Строитель» командасы 8:5 есебімен жеңіске жетті.
Оралдықтардан қарсылас қақпасына И.Захаров, М.Пахомов тағы бір-бір голдан енгізді.
Николай Шавалдиннің шәкірттері Б тобында 12 наурыз күні соңғы бәсекесін «Динамо-2» (Мәскеу) командасымен өткізеді.
Еске сала кетейік, бұдан бұрын допты хоккейден финалдық турнирде «Ақжайық» тартысты матчта жеңіліп қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).