ОРАЛ. KAZINFORM – Допты хоккейден жоғары лига командалары арасында бүкілресейлік жарыста ойнайтын Оралдың «Ақжайығы» Ульяновск қаласында жергілікті «Волга-Черемшан» командасымен екінші кездесуін өткізді.
Бірінші таймда тең есеп тіркелді – 3:3.
Екінші кезеңде айдын иелері қатарынан төрт гол соғып, 7:3 есебімен алға кетті. Бұдан кейін оралдықтар үш доп енгізгенімен, одан әріге шамасы жетпеді – 6:7.
«Ақжайықтан» ресейлік сұрмерген Максим Пахомов хет-триктің авторы атанса, Ершат Амангелдиев, Максим Өтебалиев, Артем Лапшин бір-бірден көзге түсті.
Николай Шавалдиннің шәкірттері келесі матчтарын 30-31 қаңтарда Оралда «Никельщик» (Верхний Уфалей) командасымен өткізеді.
Еске сала кетейік, бұдан бұрын «Ақжайықтың» сырт айдында ірі есеппен ұтылып қалғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).