ОРАЛ. ҚазАқпарат - Допты хоккейден жоғары лига командалары арасында Сыктывкар қаласында мәреге жеткен финалдық турнирде Оралдың «Ақжайығы» барлық кездесулерінде жеңіліп қалды, деп хабарлайды «ҚазАқпарат» ХАА тілшісі.
Ресей допты хоккей федерациясының сайтынан алынған мәліметке қарағанда, оралдықтар бүгін соңғы ойында «Знамя-Удмуртия» (Воткинск) командасынан 5:7 есебімен ұтылды. Бұл ойында «Ақжайықтан» Павел Чебаков қос доптың авторы атанса, Сергей Башаев, Сергей Гаврилов, команда капитаны Максим Өтебалиев бір-бірден гол соқты.
Аталмыш турнирде айдын иелері «Строитель» командасы барлық ойынында қарсыластарын тізе бүктіріп, 15 ұпаймен жеңімпаз атанды. 10 ұпай жинаған «Мурман» (Мурманск) екінші орынға көтерілсе, одан бір ғана ұпайы кем «Саяны» (Абакан) үшінші сатыға жайғасты. Бірде-бір ұпайға ие бола алмаған батысқазақстандықтар алты команданың ішінде соңғы орында қалып қойды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).