ОРАЛ. ҚазАқпарат - 9 ақпан күні допты хоккейден жоғары лига командалары арасында Ресей чемпионатында Оралдың «Ақжайығы» Орынбордың «Локомотивімен» екінші ойынын өткізді.
Айдын иелері (Павел Чебаков) бірінші болып есеп ашқанымен, оны әрі қарай жалғастыра алмады. Кездесу 8:3 есебімен «Локомотивтің» пайдасына шешілді. Оралдықтардан команда капитаны Ескендір Нұғманов пен Максим Өтебалиев бір-бірден доп соғып, көзге түсті. «Ақжайық» келесі ойындарын өз айдынында 15-16 ақпанда екінші топтағы көш бастаушылардың бірі Екатеринбургтің «СКА-Свердловск» командасымен өткізеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).