ОРАЛ. ҚазАқпарат – Жоғары лига командалары арасында бүкілресейлік жарыста «Ақжайық» Верхний Уфалейде жергілікті «Никельщикпен» екінші кездесуін өткізді, деп хабарлайды ҚазАқпарат тілшісі.
Бұл матчта да айдын иелері 6:4 есебімен жеңіске жетті.
Бірінші таймда есеп 5:3 болса, ойынның екінші кезеңі тең аяқталды (1:1).
«Никельщиктен» Максим Бовт ерекше көзге түсіп, хет-триктің авторы атанса, «Ақжайық» сапынан ресейлік легионерлер Максим Пахомов, Сергей Башаев, сондай-ақ Павел Чебаков пен команда капитаны Денис Максименко бір-бір голдан соқты.
Екінші топта өнер көрсететін, оралдық маман Николай Шавалдиннің шәкірттері келесі кездесулерін 10-11 желтоқсанда Краснотурьинскіде «Маяк» клубымен өткізеді.
Еске сала кетейік, бұдан бұрын «Ақжайықтың» беташар матчында қарсыласына есе жібергенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).