ОРАЛ. ҚазАқпарат - Допты хоккейден жоғары лига командалары арасында бүкілресейлік жарыста Оралдың «Ақжайығы» үшінші топтағы соңғы кездесуін Орынборда жергілікті «Локомотивпен» өткізді, деп хабарлайды ҚазАқпарат тілшісі.
Бірінші таймда «Локомотивтен» Сергей Ромашов пен Олег Хасянов гол соғып, командасын алға шығарды.
Көп ұзамай «Ақжайықтан» Нұрбол Бөкешов пен Максим Пахомов таразы басын теңестірді. Дмитрий Барляев мергендік танытқанымен, «Ақжайық» сапындағы Сергей Башаев көзге түсті.
Екінші таймда Петр Грибанов оралдықтарды алға шығарғанымен, орынборлықтар қатарынан үш гол соғып, 6:4 есебімен жеңіске жетті.
Дегенмен «Ақжайық» өз тобында үшінші орынға ие болып, финалдық сайыстарға жолдама алды.
Еске сала кетейік, бұдан бұрын «Ақжайықтың» қарсыласын ірі есеппен ұтқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).