ОРАЛ. ҚазАқпарат - Допты хоккейден «Жоғары лига» бүкілресейлік жарысының екінші тобында өнер көрсететін Оралдың «Ақжайығы» жаңа маусымның беташар ойындарын Верхний Уфалейде жергілікті «Никельщик» командасымен өткізді.
Ресей допты хоккей федерациясының сайтынан алынған мәліметке қарағанда, 25 қараша күнгі бірінші кездесуде айдын иелері 6:1 есебімен жеңіске жетті. Ал 26 қараша күнгі матчты жинақы өткізген батысқазақстандықтар қарсыласын 1:0 есебімен тізе бүктіріп, алғашқы үш ұпайға қол жеткізді.
Дмитрий Иванниковтың шәкірттері енді 28-29 қарашада Екатеринбургте «СКА-Свердловск» командасымен күш сынасады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).