ОРАЛ. ҚазАқпарат - Иркутск қаласында допты хоккейден әлем чемпионаты жалғасуда.
Кеше Қазақстан құрамасы шведтерден де ірі есеппен (2:11) ұтылып қалды. Ресейліктер 7:2 есебімен финдерді жеңді. Оның алдында қазақстандықтар ресейліктерден 1:10 есебімен тізе бүксе, шведтер 9:1 есебімен финдерді қапы қалдырған еді. Сонымен, алтын жүлдеден үміткер Ресей мен Швеция құрамалары 4 ұпаймен алда келеді. Ертең қазақстандықтар финдермен ойнайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).