ОРАЛ. ҚазАқпарат - Допты хоккейден Ресей чемпионаты жоғары лигасының екінші тобында ойнайтын Оралдың «Ақжайығы» кезекті кездесуін Орынборда жергілікті «Локомотивпен» өткізді, деп хабарлайды ҚазАкпарат тілшісі.
Ресей допты хоккей федерациясынын сайтынан түскен мәліметке қарағанда, оралдықтар бірінші таймда 1:2 есебімен жеңілгенімен, ойынның екінші кезеңінде соның есесін артығымен қайырды. Сөйтіп «Ақжайық» 4:3 есебімен жеңіске жетті.
Осы матчтан кейін 10 ұпай жинаған оралдықтар ертең Орынборда «Локомотивпен» екінші ойынын өткізеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).