АСТАНА. ҚазАқпарат - Хабаровск қаласында допты хоккейден өтіп жатқан әлем чемпионатында Қазақстан құрамасы жартылай финалда шведтермен айдынға шықты, деп хабарлайды ҚазАқпарат тілшісі.
Аса тартысты өткен матчта қазақстандықтар өткен жылғы әлем чемпионына 4:5 есебімен есе жіберді. Бұл ойында қазақстандықтардан Артем Вшивков хет-триктің авторы атанса, тағы бір голды Руслан Галяутдинов соқты. Екінші жартылай финалда ресейліктер фин құрамасын 8:2 есебімен ұтты.
Осылайша, ертең шведтер мен ресейліктер алтын медаль үшін таласса, қазақстандықтар мен финдер қола жүлдеге ие болу үшін айдынға шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).