АСТАНА. ҚазАқпарат - Допты хоккейден әлем чемпионатында Қазақстан құрамасы қола жүлдеге таласады, деп хабарлайды ҚазАқпарат тілшісі.
Швецияның Оби қаласында өтіп жатқан әлем чемпионатының топтық кезеңі аяқталды. Қазақстандық хоккейшілер аталған кезеңде төртінші орынға тұрақтады.
Ел құрамасы топтық кезеңде Финляндияға 1:8, Швецияға 0:12 есебімен жол берсе, АҚШ құрамасын 7:2 есебімен тізе бүктірді.
Енді бірінші және екінші орын алған құрамалар чемпиондыққа таласса, үшінші және төртінші орындағылар қола жүлдені сарапқа салады.
Қазақстан құрамасы 2 сәуірде Норвегиямен күш сынасады.
Ал финалда Швеция мен Финляндия шеберлік байқасады.
Әлем чемпионатында ел құрамасы 2003, 2005, 2012, 2013, 2014, 2015 жылдарда үшінші орын алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.