«Ежелгі жол: жаңа мүмкіндіктер» аталатын бұл шара БАӘ премьер-минстрі, вице-президенті, Дубай басқарушысы шейх Мухаммед бен Рашид Әл Мактум бақылауында өтеді.
«CIS Global Business Forum-2016» бизнес форумы жыл сайынғы негізде 2012 жылдан бастап Дубай Сауда-өнеркәсіптік палатасы ұйымдастырған бизнес форум сериясының бөлігі болып табылады. Форум мақсаты - Қазақстан мен ТМД басқа да елдерінің инвестициялық әлеуетін ашу үшін ең жоғарғы деңгейдегі іскерлік алаң құру, сондай-ақ нақты жобаларды бірлесіп іске асыру үшін бизнес орта арасында тікелей байланыстар орнату.
Алдағы бизнес форумға 1 мыңнан астам қонақ қатысады. Олардың ішінде көрнекті экономистер, әлеуетті инвесторлар, банк құрылымдарының, инвестициялық қорлар, іскерлік орта өкілдері де болады деп күтілуде.